減肥都可以搽牛油？

這種芝士既可以當零食食，仲可以塗麵包同多士，因為佢以低脂出售，今後想塗麵包，又有新選擇啦喇！

而且一粒就提供84毫克鈣質，對牛奶敏感的人都可以食！

注意︰兩粒等於一份奶類或一份肉類

資料來自<營養師手記>

減肥都可以食西多士？

材料︰
1片麵包
1隻蛋
1/2杯脫脂奶

做法︰
1.打勻雞蛋，一邊再倒入脫脂奶，完成後倒入小碟中
2.放入麵包，令蛋漿沾上麵包
3.放入焗爐中，待麵包變成金黃色即成，冇焗爐既就可用平底穫煎熱和脆！

P.S. KEEP緊FIT既可加入少許糖漿，而減肥中人就建議選購一種名為甜且宜的代糖糖漿，更有助減磅哩！

資料來自<營養師手記>

日本好味湯底

煮法十分簡單，係日式超級巿場買一包名叫紫魚片的魚乾，利用30克的紫魚乾及白蘿蔔1碗，加約5杯水，煮10-15分鐘，隨後拿起紫魚，只用剩下的湯底用來煮鍋物了。

食法︰
加半個烏冬、2兩肉片及2棵娃娃菜

資料來自<營養師手記>

低脂低糖木糠布甸

材料：
低脂忌廉200克
淡忌廉100克
瑪莉餅10片
代糖3茶匙
白糖3茶匙

做法：
1. 用打蛋器將忌廉、白糖及代糖打至軟滑；暫時放進冰箱內；
2. 將瑪莉餅弄碎；
3. 將打好的忌廉及餅乾碎以一層層的方法放進小杯內；
4. 放入冰箱內2小時即成。

資料來自<營養師手記>

P.S. 依個...可以一試喎！

奧米加魚柳蘆筍天使麵

材料：
三文魚240克
泰國蘆筍1盒
天使麵(熟)2碗
蜆肉12隻
調味料：
蒜頭少許
辣椒少許
黑胡椒

做法：
1. 先烚熟天使麵及蘆筍，
2. 將蒜頭加入1茶匙油起鑊，再放入蜆肉，加入半杯水煮天使麵；
3.將三文魚加進少許黑胡椒調味，用易潔鑊煎熟魚柳，伴以天使麵及蘆筍即成。

資料來自<營養師手記>

低脂蘑菇忌廉湯

材料：
啡蘑菇兩盒 (1盒放入攪拌機，1/2盒切片，1/2盒即粒)
脫脂奶125毫升
低脂忌廉300毫升
雞湯250毫升<-可以有低脂

調味料:
黑胡椒粉碎

做法：
1. 將1盒蘑菇、脫脂奶、忌廉及雞湯放進攪拌機；
2. 攪拌後，中火煮，再加入蘑菇片及蘑菇粒即成。

資料來自<營養師手記>

P.S. 唔知脫脂奶整出來既西湯會係點架呢？
因為脫脂燉奶我就試過..........唔好食既！

柚子大蝦雜椒沙律

材料：
碌柚6片
三色椒2碗
中蝦6隻
指天椒1隻
青檸1個
多士1片 (切粒)

製法：
1.先將三色椒及中蝦烚熟；
2. 將多士剪成小粒；
3. 伴入柚子肉、三色椒、蝦及多士粒；
4. 最後伴入青檸及指天椒絲即成。

資料來自<營養師手記>

乳酪果凍

材料︰
低糖低脂乳酪 1杯(150毫升)
脫脂奶 250毫升
煮食用代糖 1茶匙<-留意，代糖都有分可熱煮都唔熱得架！
魚膠粉 1茶匙
士多啤梨 5粒
清水 2茶匙

做法︰
1.把4粒士多啤梨切粒，1粒切半
2.將魚膠粉，代糖，水用熱水坐溶，拌勻，待涼5分鐘。
3.加埋落脫脂奶，士多啤梨及乳酪到攪拌，
4.放入器皿雪櫃3小時至凝固。
5.放上已一切半既士多啤梨放面裝飾，攪掂！

P.S. 坊間有許多一杯杯低脂既乳酪，但原來要搵一杯營養師覺得健康減肥的...其實好難！
點解？因為除左低脂之外，仲要留意返係低糖先得，如果唔係，吸收得太多糖份，又係死得人！ .\_/.

沙律醬推介

左手邊2支係大百佳就可以買到...屬於低脂，每次可以用2湯匙，
至於第3支就係日式芝麻醬，好好味呀！整日式沙律就岩晒！不過就較多多脂肪，每次只可用1/2-1湯匙。

至我最近入貨個支...同第2支差唔多，不過係沙律汁，酸酸甜甜，襯車厘車就岩晒！

不過我總覺得…依D沙律...間唔中食爭加生活情趣，要減肥既...清清地就咁食吧！
吸收少D得少D...忍下口！

都係個句...減肥同KEEP FIT食法唔同架！

試後感︰試過第二支千島沙律醬...唔覺得失手落多左...酸左少少，下次都要小心D~

減肥中的牛油

依支係冇脂肪既牛油來架！不過都要成$40一支<-搶錢！
雖然話就話冇脂肪..但都有KCAL架！所以如果用來整牛油金姑既話哩！都係2-3下就夠喇！




依盒係低脂植物牛油，LIGHT的用1湯匙大約有45卡，等於1份脂肪，
沒有Light字的，就1湯匙等於80卡，約2份脂肪。
而平時既植物牛油，1湯匙有135卡

原來...減肥都可以食牛油架....

P.S. 不過D減肥食品...好鬼死貴呀！

資料來自<營養師手記>

低脂薯片

購自馬沙既小食...
一包只得85卡，脂肪係0.7克，鹽分有0.09克-0.11克鈉質
一包等如一份五穀....

橙色個包最淡味..亦是最少鹽分！

雖然算叫做低鹽..但食得多都會肥架！


資料來自..<營養師手記>

通便好介紹

全麥維(All-bran)
45克，大約1碗就已經有12克纖維
比起一般高纖既食物更加高纖，如果腸胃唔好既可以一試！

建議食法︰
1. 加凍脫脂奶快食...(因為覺得淋左唔脆就好難食)
2. 加低脂乳酪同鮮果當甜品食 ^^

P.S. 大型超市(百佳、惠康或吉之島)都有得買~

試後感︰
一條條脆卜卜味道不錯，因為怕淋，所以只係一匙牛奶加幾條咁食！
都冇咩特別...但我只係食左約大半碗既份量+1盒脫脂奶...依家等緊成效！

低脂咖喱雞

減緊肥既我，終於可以食咖哩雞哩！

材料：
脫脂雞湯500毫升
脫脂奶125毫升
洋蔥1個
薯仔3個
去皮雞脾肉160克 (去皮既雞肉只有119千卡，但唔去既就係161千卡呀！)
番茄1個

調味料︰(我最唔識就係調味架喇..><)
咖喱粉2湯匙
黃薑粉少許
辣椒粉少許
醃雞肉(1茶匙咖喱粉+1/3茶匙鹽+少許多用途調味香草)
生粉2茶匙

步驟︰
1. 半個洋菇切碎，另一半切角；連皮薯仔先切件，再出水；
2. 番茄去皮切碎，將雞肉用醃料醃好；
3. 為了令食物的脂肪量減少，可先用焗爐焗熟雞肉，15分鐘180度，
4. 將洋蔥碎用極少油炒香，收慢火再加咖喱粉、辣椒粉及黃薑粉；(小心咖喱粉燒焦呀！)
5. 再將切角的洋蔥炒香；
6. 將番茄、(4)及(5)的材料及薯仔加入雞湯；細火煮20分鐘；
7. 最後將焗雞肉加入，慢火多煮20分鐘；
8. 再加奶及生粉多煮5分鐘即成。

P.S. 唔好因為好食..就食太多飯呀！
而且飲得太多湯汁都唔好...因為雞湯都有鹽份！
我依D易腫既人就一定要好好節制。

資料來源:尚營坊食譜

減肥都可以食雪糕？

聽網友講...係世貿3樓有一間叫mamma mia Gelato 既雪糕店，
有隻用代糖整既雪糕，營養師比較建議既係士多啤利味同芒果味！其他既脂肪都比較多！

然而....都係個句...減緊肥都係唔好試喇！
而減完肥個D呢？間唔中一次都OK！

格仔餅

購自CITYSUPER
變法︰連同生果乳酪食
份量︰1塊=1份五穀

資料來自<營養師手記>

薯仔餅

材料:薯仔1個、洋蔥半個、雞蛋1隻、生粉2茶匙、火腿1片；調味有1/2茶匙鹽同胡椒粉。

薯仔去皮後要刨絲、洋蔥切半再切碎、火腿切幼條、雞蛋打勻；
再加入調味料，跟住用1茶匙油落鑊煎香，
食嘅時記住食D菜先夠均衡!

資料來自<營養師手記>